عاش امبارح فرحان
وتمر ايام وليالى
وعمى دياب الغالى
على الدكة بيغنى
لشوية سياح
لوكسر بلدنا
بلد سواح
فيها الاجانب تتفسح
بالاأثار مليانة
يا لوكسر بالاثار
عمى دياب
مستعجب من حال الدينا
يحكى حواديت
خضرة وابو زيد
نار الخشب تطفى
ونار الحب متموتشى
اصل الربابة
خشب متغرقشى
يعنى انا لو مت انا فى حبك
الربابة متغرقشى
حافظة اغانى الوطن
فاكرة الزمن
وف حضنى متنامشى

عمى دياب زى الربابة حزين
ولا عمرو ف قلبة دبلت اغانى
نظرة يا اهل الكرامات
خلصت اغانى االبطولات؟!
عمى دياب حزين زى الربابة
عمى دياب مواليد المريس ارمنت غرب النيل
مش ع الخريطة
المهم اصلا
تبقى فى خريطة
ركز فى وشة وبص
الخد اسمر
والعيون سودة
والجبين بحرين تلاتة
مية حلوة مية نيل
هو دة وشة من زمان من قبل الخريطة
عمى دياب زى الربابة حزين
عمى دياب زى الهوا اللى بلا بيوت
لكنه يحيى قلوب الحبايب
مهما يسافر يعود
طير من الطير الاصيلة
والطير بلا جناحات
تسكن جحور التعالب
عمى دياب زى الربابة حزين
لية يا حبايب تبيعونى
رخيص وانا الغالى
لو طلعونى الجبل
لاطلع على راسى
قلبى اتفطم ع الألم
وشراع بيحرت فى نيل
فدادين امل
طارحين حنينى
طاب لية تمدى
ف درعاتك من بعيد؟
ولما قرب مرة
منك لية تصدى؟
من يوميها قافلة بابك
حر جايلك بالسلاسل
حر جايلك بالصكوكة
افتحى الابواب وردى
شعرى شايب
قلبى اخضر
من كام سنة
ولسة حافظ ف العهودة
لسة فاكر الاغانى والامانى
لونى اسمر
لون ترابك
اسألى خضرة الشريفة
اسألى الست مريم
اسألى الطاهرين جميعا